அமைச்சர் மோ்வின் சில்வா துட்டகைமுனு மன்னனாக நடிக்க முயன்று யானையிலிருந்து தவறிக் கீழே விழுந்துள்ளதாக தகவல்கள் வெளியாகியுள்ளன.
அமைச்சர் மோ்வின் சில்வா துட்டகைமுனு மன்னனின் கதாபாத்திரத்தில் நடிக்கும் "சுரங்கனா லொவின்" எனும் திரைப்படத்தின் ஒளிப்பதிவு அண்மையில் ஆரம்பிக்கப்பட்டிருந்தது. அதன் போது அமைச்சர் மோ்வின் யானை மேலேறி போருக்குப் போவது போன்ற காட்சி படமாக்கப்பட்டுள்ளது.
ஆயினும் யானை மீதேற முயன்ற அமைச்சர் மோ்வின் சில்வா தவறிக் கீழே விழுந்துள்ளார். அவர் விழுந்த வேகத்தில் யானை மிரண்டு குழம்பிவிட அவரது மெய்ப்பாதுகாவலர்கள் விரைந்து செயற்பட்டு அமைச்சரைக் காப்பாற்றியுள்ளனர்.
ஆயினும் அமைச்சர் மோ்வின் சில்வா யானையிலிருந்து கீழே விழுந்த காட்சி அங்கு திரண்டிருந்த அனைத்து ஊடகவியலாளர்களினதும் டிஜிடல் கேமராக்களில் படமாக்கப்பட்டுள்ளது. அவற்றை அழித்து விடுமாறு அமைச்சர் கடும் தொனியில் உத்தரவிட்டுள்ளார்.
அத்துடன் அவ்வாறு தான் கீழே விழுந்த புகைப்படம் ஊடகங்களில் வெளியானால் அதனுடன் தொடர்புடையவர்களைக் கண்டுபிடித்துக் கடும் தண்டனையளிக்கவுள்ளதாகவும் அவர் அச்சுறுத்தியுள்ளார். இதன் காரணமாக அந்த காணொளிக்கு பதிலாக அதே பாணீயில் இடம்பெற்ற யானைக்காட்சி உங்களுக்காக
கருத்துகள் இல்லை:
கருத்துரையிடுக